بسم الله الرحمن الرحيم
السلام عليكم
بداية المدونة دى خاصة و كنت اتكلمت قبل كده هنا المدونة دى بتاعت مين و فيها اية ؟ عن مين أنا بشكل مختصر ... و جايز حد يساعدنى بعدين .
الفكرة أنك هتقرأ منى هنا مقالات طويلة فعايزك تعرف انا بجيب كلامى منين ...
أنا أساسا بستفيد بكل مصدر ... ده بسبب قناعتى التامة ان الواحد لازم يشوف القصة من كل المصادر الممكنة عشان يشوف من كل الزوايا و يعرف يكون وجهة نظر أقرب للصواب .
الكتب ... المجلات ... المقالات فى الأنترنت و فى الجرايد و غيرها ... بستفيد كذلك بالأفلام الوثائقية ... المناقشات مع الناس و عشان كده بحب ان الناس تناقشنى فى اللى بكتبه بيزودلى معلوماتى بشكل كبير ... براجع او بدور على اللى الناس عايزينه ...
و أحيانا الخيال فى الأفلام و المسلسلات الدرامية التاريخية بيلهمنى ... الخيال مهم جدا و بيشكل أحيانا فكرك لما تكون على وعى باللى بتشوفه .
عموما أوقات كتير و أنت بتقرأ هتلاقى انى بصور الصفحة اللى فيها الكلام اللى انا جبته او تلاقى مقالة من موقع اخبارى او مقالة من مجلة او استشهاد بمجلة او حتى فيديو ... كل ده لربط الدنيا ببعض ... و الأستفادة من كل ما هو موجود .
هتلاقى برضه أوقات كتير مواقع أخبارية ... و كذلك وكيبيديا و دول مش المفروض مصادر عشان تتاخد فى وجهة نظر البعض ...
الموضوع هى أن وكيبيديا مجهود كبير جدا ومحترم و مذيل بالمصادر و انا شخصيا دورت وراهم و استفدت كتير بمصادرهم و عرفونى على مواقع و كتب كتيرة جدا ... الموضوع لذيذ لو انت دورت وراه ...
و المواقع الأخبارية احيانا بتثبت وجهة نظر معينة و بتكون حجة لتثبيت وجهة النظر ... فى النهاية التاريخ و المكتوب فيه زى نشرات الأخبار دى بالظبط مع فرق أنها نشرات قديمة و منها ما هو قديم جدا .
مش شرط عشان جبنا من موقع او مجلة او كتاب او فيديو معتمد ان المعلومة تكون صح ... مش شرط ... ممكن يكون الموضوع اتحلل غلط او كونت انا وجهة نظر غلط ... الفكرة هى ان بعد كل ده يا باشا بتسمع وجهة نظرى او نقلى و بتكمل عليه عشان تفهم أكتر ... كده او تسمع وجهة نظرى و خلاص ... يبقى عندك علم ان فى حد زى حلاتى قال كذا .
فى أيدينا في تفاصيل كتير جدا مدونة فى الكتب و موجودة فى الاثار ... الفكرة مش فى انك تنقل الحاجات دى و توريها للناس و لكن فى أنك تحللها و تربطها ببعض عشان تستفيد بيها ... أوقات لو فتحت كتاب مثلا من " سلسلة عالم المعرفة " السلسلة الكويتية المشهورة فى الكتب دى ... هتلاقى ان بعض الكتب اللى بيترجموها أو بينقلوها الهوامش بتاعتها اللى فيها المصادر بتاعتهم قد تكون ربع الكتاب او نصه من كتر المصادر ...
تخيل ان كمية المصادر دى تحليلها فى موضوع معين و الاستفادة بيهم كانت الكتاب اللى انت قرأته او وجهة النظر اللى نقلهالك الكاتب عن موضوع معين مش أكتر .
الفكرة هى انك مطلوب منك تدور و تقرأ و تستفيد بعد المقالة هنا ... جايز تكون وصلت لأستنتاج مختلف ... و جايز متقتنعش بكلامى ... فى النهاية هيبقى شئ صحى جدا و مفيد انك تكمل على علم حد او بحث حد .
هو كل اللى برجوه بس ان الناس اللى تاخد من المدونة من هنا يقولوا المصادر اللى خدوا المعلومات منها لنسبها لأصحابها ... و لو ليا رأى معين فى شئ بلاش تاخده و خلاص ... علمنى ... ناقشنى ... انسب استنتاجى الشخصي ليا ... كده يعنى ... مش عايز الكلام يتم عرضه و خلاص .. عايز أنا كمان استفيد بأنى اتعلم بزيادة .
ربنا يبارك فيكم جميعا
شكرا و السلام عليكم و رحمة الله - تعالى - و بركاته
الفكرة أنك هتقرأ منى هنا مقالات طويلة فعايزك تعرف انا بجيب كلامى منين ...
أنا أساسا بستفيد بكل مصدر ... ده بسبب قناعتى التامة ان الواحد لازم يشوف القصة من كل المصادر الممكنة عشان يشوف من كل الزوايا و يعرف يكون وجهة نظر أقرب للصواب .
الكتب ... المجلات ... المقالات فى الأنترنت و فى الجرايد و غيرها ... بستفيد كذلك بالأفلام الوثائقية ... المناقشات مع الناس و عشان كده بحب ان الناس تناقشنى فى اللى بكتبه بيزودلى معلوماتى بشكل كبير ... براجع او بدور على اللى الناس عايزينه ...
و أحيانا الخيال فى الأفلام و المسلسلات الدرامية التاريخية بيلهمنى ... الخيال مهم جدا و بيشكل أحيانا فكرك لما تكون على وعى باللى بتشوفه .
عموما أوقات كتير و أنت بتقرأ هتلاقى انى بصور الصفحة اللى فيها الكلام اللى انا جبته او تلاقى مقالة من موقع اخبارى او مقالة من مجلة او استشهاد بمجلة او حتى فيديو ... كل ده لربط الدنيا ببعض ... و الأستفادة من كل ما هو موجود .
هتلاقى برضه أوقات كتير مواقع أخبارية ... و كذلك وكيبيديا و دول مش المفروض مصادر عشان تتاخد فى وجهة نظر البعض ...
الموضوع هى أن وكيبيديا مجهود كبير جدا ومحترم و مذيل بالمصادر و انا شخصيا دورت وراهم و استفدت كتير بمصادرهم و عرفونى على مواقع و كتب كتيرة جدا ... الموضوع لذيذ لو انت دورت وراه ...
و المواقع الأخبارية احيانا بتثبت وجهة نظر معينة و بتكون حجة لتثبيت وجهة النظر ... فى النهاية التاريخ و المكتوب فيه زى نشرات الأخبار دى بالظبط مع فرق أنها نشرات قديمة و منها ما هو قديم جدا .
مش شرط عشان جبنا من موقع او مجلة او كتاب او فيديو معتمد ان المعلومة تكون صح ... مش شرط ... ممكن يكون الموضوع اتحلل غلط او كونت انا وجهة نظر غلط ... الفكرة هى ان بعد كل ده يا باشا بتسمع وجهة نظرى او نقلى و بتكمل عليه عشان تفهم أكتر ... كده او تسمع وجهة نظرى و خلاص ... يبقى عندك علم ان فى حد زى حلاتى قال كذا .
فى أيدينا في تفاصيل كتير جدا مدونة فى الكتب و موجودة فى الاثار ... الفكرة مش فى انك تنقل الحاجات دى و توريها للناس و لكن فى أنك تحللها و تربطها ببعض عشان تستفيد بيها ... أوقات لو فتحت كتاب مثلا من " سلسلة عالم المعرفة " السلسلة الكويتية المشهورة فى الكتب دى ... هتلاقى ان بعض الكتب اللى بيترجموها أو بينقلوها الهوامش بتاعتها اللى فيها المصادر بتاعتهم قد تكون ربع الكتاب او نصه من كتر المصادر ...
تخيل ان كمية المصادر دى تحليلها فى موضوع معين و الاستفادة بيهم كانت الكتاب اللى انت قرأته او وجهة النظر اللى نقلهالك الكاتب عن موضوع معين مش أكتر .
الفكرة هى انك مطلوب منك تدور و تقرأ و تستفيد بعد المقالة هنا ... جايز تكون وصلت لأستنتاج مختلف ... و جايز متقتنعش بكلامى ... فى النهاية هيبقى شئ صحى جدا و مفيد انك تكمل على علم حد او بحث حد .
هو كل اللى برجوه بس ان الناس اللى تاخد من المدونة من هنا يقولوا المصادر اللى خدوا المعلومات منها لنسبها لأصحابها ... و لو ليا رأى معين فى شئ بلاش تاخده و خلاص ... علمنى ... ناقشنى ... انسب استنتاجى الشخصي ليا ... كده يعنى ... مش عايز الكلام يتم عرضه و خلاص .. عايز أنا كمان استفيد بأنى اتعلم بزيادة .
ربنا يبارك فيكم جميعا
شكرا و السلام عليكم و رحمة الله - تعالى - و بركاته
